Бірден үш ақтөбелік "Парыз" байқауының иегері атанды. Атап айтқанда, "шағын және орта бизнес субъектілері" номинациясы бойынша бас жүлдеге арнайы киім тігетін «Глобал-Спецодежда» серіктестігі ие болды. Ірі кәсіпкерлік субъектілері арасында "Үздік әлеуметтік жауапты кәсіпорын" болып "Қазақойл Ақтөбе" компаниясы танылды. Сондай-ақ шағын және орта бизнес субъектілері арасында "Аслан" шаруа қожалығы "Жылдың үздік әлеуметтік жобасы" арнайы сыйлығына ие болды. Биыл байқауға қатысу үшін Ақтөбе облысынан барлығы 39 субъект тапсырыс берген. Айта кетейік,  облыс әкімі Оңдасын Оразалин лауреаттарды марапаттау рәсімін онлайн қарап болған соң "Парыз" және "Алтын сапа" байқауларына белсенді қатысқан бірқатар ақтөбелік кәсіпорындардың басшыларына алғыс хаттар табыс етті.